Maligayang pagdating sa ating Provincial Public Employment Service Office (PPESO) Website sa ilalim ng Provincial Youth, Sports, and Public Employment Service Office (PYSPESO)!

Sa patuloy na pagtataguyod ng ating Pamahalaang Panlalawigan sa ating Peoples Agenda 10, layunin ng website na ito na magbigay ng impormasyon, inspirasyon, at gabay tungo sa pagpapaunlad ng kabuhayan sa pamamagitan ng pagbibigay ng trabaho at pagpapaunlad sa mga kakayahan ng mga mamamayan.

Hangad nating bumuo ng matatag na Lalawigan kung saan may angkop na hanapbuhay o negosyo ang mga Bulakenyo batay sa sariling mga kasanayan, hilig, at pangarap na nakatugma sa mga pangangailangan ng industriya.

Naniniwala tayo sa angking husay, kasipagan, at determinasyon ng bawat Bulakenyo kaya’t magsisilbing patnubay ang PESO Website na ito para sa mas madali at wastong paghahanap ng trabaho o pagsasanay tungo sa lalong pagpapaunlad ng sarili.

Inaanyayahan ko kayong saliksikin mga serbisyo at programa ng Pamahalaang Panlalawigan at maging bahagi ng ating kaunlaran at katiwasayan.

MARAMING SALAMAT! MABUHAY ANG DAKILANG LALAWIGAN NG BULACAN!